Kidung Siliwangi

Kidung Siliwangi

Kidung Siliwangi

Bismillah ngawitan ngidung

Bari nyebat asma Alloh

Ka batara ka batari

Ka pohaci neda suci

Kadewata neda suka

Paralun anu kasuhun

Bul kukus mendung kamanggung

Nyimpeun ciri ku wawangi

Tandana saji babakti

Tawisna raga jeung sukma

Madep mayun kayang agung

Nu agung di mandala agung

Nu ti wetan mayun ngulon

Nu ti kulon mayun ngetan

Nu tikidul mayun ngaler

Nu tikaler mayun ngidul

Mayunan ciri nu tunggal

Manunggal disakabeh alam









Kami cunduk tinu jauh

Carita jaman baheula

Gelarna jaman ayeuna

Wawarti jaman bihari

Jadina jaman kiwari

Gumulung ngajadi hiji



Jerit ati sang sri dewi

Koceak ambu pertiwi

Dewi asri mayang sunda

Citra resmi cinde maya

Nganti nganti ti bihari

Ngantos ngantos tibaheula



Duh geuning ku teungteuingeun

Sunan ambu dikayangan

Pohaci dikalanggengan

Sepi simpe taya beja

Ambu sunan mangga lenggah

Sami ngantosan panutan



Sunan ambu ratu kidul

Ratu kulon ratu kaler

Ratu wetan kidul deui

Para ratu sadayana

Kadang wargi seuweu siwi

Hayu urang sami keumpel





Bilih teu kasebat nami

Bilih teu kaceluk jenengan

Gupay deudeuh hiap teuing

Paralun anu kasuhun

Ratu banyu ratu bayu

Pamayang ti pajajaran



Sunan ambu ratu inteun

Jeung dewi anggarawati

Wedalan karaton teungah

Ratu dewi purnama sari

Shinta dewi ratu mathili

Ratu dewi purbasari



Nu linggih dikaraton kulon

Nu linggih dikaraton kidul

Nu linggih dikaraton teungah

Alam jagat goromiyangan

Sumangga geura lalugay

Ieu geuntra nu prihatin



Apan janji tibihari

Aya subaya tibahela

Lalampahan anggeuskeuneun

Gentreng ninun dayang sumbi

Ninun waktu milang wanci

Kiwari mangasa lugay





Para pohaci sadaya

Lalungsur kamarcapada

Nyarengan nu baris midang

Ratu agung gumulung tunggal

Imanna alam jeung jaman

Siliwangi nu katelah



Surya ningrat cakra ningrat

Sang surya nya’angan alam

Wawangi minuhan jagat

Nyingraykeun kabeh halimun

Nu moekan ngahalangan jalan

Urang sunda pajajaran



Tuh di awing awing

Uwung uwung numelengkung

Aya cakra manggilingan

Pertanda cirri nu pasti

Nya rama maparin iber

Lumungsur kamarcapada