Jaya Prana Jeung LayonSari

Jaya Prana Jeung LayonSari

Jaman baheula di desa kalianget nu pernahna di kabupaten Buleleng Pulo Bali belah kaler, aya hiji kulawarga nu katarajang sasalad.

Saeusi imah teh tumpur maraot,iwal hiji nu ngaran Jaya Prana.

Jaya Prana anu geus nunggul pinang teh dirawat ku Raja Buleleng nu gelarna anak Agung .sanggeus Jaya Prana sawawa,sarta loba pisan jasana ka eta Raja,Jaya Prana menta idin rek ngawin hiji mojang anu ngaran LayonSari.

LayonSari teh geulis kawanti wanti,endah kabina bina ,nepi ka sang Raja oge kabungbulengan . Sanajan nyi Layonsari geus kawin ka Jayaprana, tapi Sang Raja teu weleh neangan akal sangkan Layonsari papisah jeung Jayaprana.

Gancang bae sang Raja teh ngutus Jayaprana sangkan indit merangan karaman di tungtung kaler pulo Bali. Eta parentah  mangrupa hiji siasat sangkan Jayaprana maot dina pangperangan ditandasa ku karaman.

Jayaprana Inditna the teu nyorangan ,tapi bareng jeung pasukan nu samakta pakarangna. Tapi salian ti eta ,sang Raja the ngutus Perdana Mentri rerencepan mawa balad anu pohara lobana, nu tugasna kudu maehan Jayaprana di hiji tempat nu disebut Celuk terima.

Sanajan Jaya Prana geus teu genah rarasaan sarta ngarasa curiga yen manehna bakal aya nu maehan ,tapi manehna tetep satia kana parentah Sang Raja. Manehna ikhlas nyanghareupan Pati.

Barang nepi ka Ceruk terima, Jayaprana dipegat ku balad balad Perdana Mentri bari diasongan surat kudu dibaca ku Jayaprana. Manahoreng Surat tugas ti Sang Raja pikeun maehan Jayaprana,,,teu bisa majar kumaha ,Jayaprana dipaehan luyu jeung parentah Raja.

Rengse ngajalankeun Tugas nu telenges tea ,Perdana mentri katut sabalad baladna baralik ka puser dayeuh. Sajeroning perjalanan, pirang pirang halangan hurunganana, balad Perdana mentri the pinanggih jeung kasangsaraan ,lantaran Para Dewata henteu tega Jayaprana dipergasa.

Sang Raja ge henteu hasil meunangkeun Nyi Layonsari, lantaran Nyi Layonsari kaburu maehan maneh, batan daek digadabah ku Sang Raja ,meuning paeh nuturkeun salaki ka alam kalanggengan.

….

 (dicutat ti :mangle alit No.173)