SISINDIRAN-ABAH GANDA

Sisindiran - Abah Ganda

Oleh Mochamad Ziaulhaq dan Ki Hasan di Pustaka Sunda · Sunting Dokumen

 Ti Grup Pustaka Sunda

sumangga di aos... :)

Kucuran mah cai kucuran
Kucuran mah caina empang
                             Haturan mah abdi haturan
                        Haturan nembe patepang

            Boboko ragrag di imah
            Ninggang kana pileuiteun
                        Bobogohan ulah ka semah
                        Ari balik sok leungiteun

            Sekemandung Cigarokgok
            Ka lebak ka Tuan Heni
                        Pikir bingung badan ruksak
                        Ngajodo ka nini - nini
           
            Ti batan balik ka Garut
            Menta kejo dinu daun
                        Ti batan malikan urut
                        Menta tempo tilu taun
           
            Cipulus jalan Maruyung
            Lebakeun mah Cibiru beet
                        Teu mulus kantun ka bingung
                        Moal terap ku pamelet

            Ban karet mah gogorolongan
            Bongan saha dikasawahkeun
                        Kapelet mah ku popotongan
                        Bongan saha diserahkeun
           
            Sanajan hayam-hayaman
            Tarik kolot Bojongloa
                        Sanajan hayang-hayangan
                        Ari kolot henteu doa

            Babako ayakan leutik
            Siki cabe diawurkeun
                        Bobogohan ti leuleutik
                        Geus gede dikabaturkeun

Mochamad Ziaulhaq, Peminat Studi Agama dan Budaya.
Diambil dari Haleuang Abah Ganda, seorang Juru Pantun dan Sesepuh di Batununggal Cijambe Kab. Bandung [Maret, 2005].

Ti Grup : Pustaka Sunda

mugya mangpaat ,haturnuhun ...

RA-Hayu _/\_